Jokabide Kodea

EDERFIL BECKERen asmoa da bere jokabidea eta bere pertsonena indarreko legeriarekin bat etortzea, bai eta Jokabide Kode honetan ezarriko Printzipio Etikoekin ere.

Jokabide Kode hau EDERFIL BECKERen Compliance Programen barruan sartzen da, eta helburu hau dauka:

1. EDERFIL BECKERen jarduera profesionala garatzen duten pertsonentzako gida izatea beren jardunean eta EDERFIL BECKEReko gainerako pertsonekin, hornitzaileekin, Bazkideekin, Bezeroekin, Administrazio Publikoekin eta gizartearekin oro har dituzten harremanetan.
2. Delituzko portaerak prebenitzea, bai eta pertsonek beren jarduera profesionala garatzean eduki dezaketen legez kanpoko edozein portaera ere.

Jokabide Kodearen asmoa da, halaber, EDERFIL BECKERen jada existitzen den enpresa kultura sendotzea.

EDERFIL BECKERek ez du onartzen Jokabide Kode honen kontra doan inolako ekintzarik. Jokabide Kode honetan ezarritako Printzipio Etikoak benetan eta eraginkortasunez aplikatzen direla zainduko da, eta ez-betetzeak Betetze Batzordeak kudeatuko ditu Kanal Etikoaren bitartez.

Aplikazio eremua eta betetzeko betebeharra.

1. Jokabide Kodean eta Compliance Programen jasotako Printzipio Etikoak eta Jokabide Arauak EDERFIL BECKER osatzen duten Pertsona guztientzat derrigor bete beharrekoak dira.
2. EDERFIL BECKER osatzen duten Pertsonek Jokabide Kode hau eta bere printzipio etikoak ezagutu eta betetzeko betebeharra daukate.
3. Jokabide Kodea ahal den neurrian EDERFIL BECKERen Hornitzaile, Pertsona Elkartu eta Bezeroei zabalduko zaie.
4. Jokabide Kodea EDERFIL BECKERek garatzen dituen ekintzei aplikatuko zaie ahal den guztian, edozein eremu geografikotan, bai maila lokalean, bai nazioartean.

icon-file Deskargatu Jokabide Kodea (PDF)