Ederfil Beckerreko Zuzendaritza Estrategikoaren oinarrizko helburua da bezeroen eta beste alderdi interesdun batzuen egungo eta etorkizuneko beharrak eta itxaropenak garaiz eta behar bezala asetzea. Horretarako, kudeaketa etikoaren eta sozialki arduratsuaren ereduaren jarraibide orokorrak bete beharko ditu, eta erakundearen testuinguru osoan jarduerak, produktuak eta zerbitzuak etengabe hobetzeko dinamika ezarri, nazioartean aitortutako enpresa lidergoaren posizioa lortzeko asmoz.

Horretarako, Ederfil Beckerrek Kudeaketa Sistema bat garatu eta ezarri du, honako hauek barne hartzen dituena:

• Kalitatea
• Laneko arriskuen prebentzioa
• Ingurumenaren babesa
• Informazioaren segurtasuna

Ederfil Beckerrek, bere Kudeaketa Sistemaren bidez, honako konpromiso hauek hartu ditu:

• Politika ezartzea eta enpresa jardueran txertatzea. Enpresa Politika honetan jatorria duten helburuak onartzea eta zabaltzea.
• Gardena izatea, konfiantza eta sinesgarritasuna transmititzeko eta sortzeko. - Ingurumenarekin lotuta EDERFIL BECKERek egiten duenaren gainean interesdunei ematen zaien informazioan gardentasuna bermatzea eta hori bultzatzea.
• Zehaztutako balioen bidez, erabaki guztietan jokabide etiko eta gardena sustatzea eta hala izango dela zaintzea. Horretarako, une oro bete beharko da jokabide kodea eta sustatu beharko dira erantzukizun sozial eta fiskala eta giza eskubideekiko konpromisoa. Gerta daitezkeen irregulartasunak salatzea eta arbuiatzea; tartean, ustelkeria eta eroskeria.
• Pertsonek eta haien lan baldintzek enpresaren garapenerako eta arrakastarako duten balioa aitortzea.
• Erakunde osoa inplikatzea EDERFIL BECKERen kudeaketan, eta horrek dakar erakundearen maila guztietan parte hartzea. Langileek arduratu beharko dute Kudeaketa Sistemaren politika, araudi zein prozedurak eta baldintzak betetzeaz, euren lanpostuan duten eraginaren arabera.
• Sistemaren garapenean eta ezarpenean langileen inplikazioa lortzeko beharrezkoak diren bitarteko eta baliabideak hornitzea.
• Etengabeko hobekuntza: sistemaren aukerak eta desbiderapenak izateko dituen arriskuak etengabe identifikatzea eta prebenitzea, prebentzio jardueretan etengabeko hobekuntzarako kudeaketa tresnak modu sistematikoan erabilita, langile guztien parte hartzeari lehentasuna emanda.
• Kudeatzen den informazioaren eskuragarritasuna, konfidentzialtasuna eta osotasuna babesteko neurri teknikoak eta antolamendukoak hartzea, baita haren segurtasunari eragin diezaioketen gertakariak prebenitzea, kudeatzea eta ebaztea ere, informaziorako eta tratamendurako sarbideak mugatuta eta kontrolatuta edukita.
• Prebentzio jarduera enpresaren kudeaketan txertatzea (jarduera eta erabaki multzoa, bai prozesu teknikoetan, bai enpresako maila guztietan lana antolatzean).
• Langileei kontsulta egingo zaiela eta beren lan baldintzetan eragina duten erabakietan parte hartuko dutela bermatzea.
• Ingurumena babestea eta kutsadura prebenitzeko, baliabideak modu iraunkorrean erabiltzeko, energia kudeatzeko eta klima aldaketaren aurka egiteko jarraibideak ezartzea, Ederfil Beckerrek eragina izan dezakeen jarduera, produktu eta zerbitzu guztiez kontziente eta kontsekuenteak izanik, baldin eta horiek eragina izan badezakete ingurumenean.
• Langileak informatzea eta prestatzea industriako jarduerek eta prozesuek, ohiko eragiketetan zein aparteko eragiketetan, bere osasunean eta ingurumenean izan ditzaketen ondorioen gainean.
• Aplikagarri zaizkion lege baldintzak eta erakundeak sinatzen dituen beste baldintza batzuk betetzea.

Politika eta helburu orokor hauek jaso eta urteko hobekuntza politika bihurtzen dira Zuzendaritzak landu eta Kooperatibako Kontseilu Errektoreak onartutako EDERFIL BECKERen Kudeaketa Planean. EDERFIL BECKEReko Zuzendaritzak konfiantza osoa du bere langileek lankidetzan jardungo dutela, enpresak hartutako konpromisoak lortzeko.

Deskargatu PDF